Cards / Bankomatiko Smart card

Mas sigur. Fun Miles ku kada kompra!

Ku orguyo Maduro & Curiel's Bank N.V. ta presentá Bo e futuro di teknologia di tarheta di pago: Bankomatiko smart card. E Bankomatiko smart card tin un diseño nobo i ta kontené un chip pa mas seguridat i aseptashon mas amplio di e tarheta. Ademas Bo ta haña Fun Miles pa kada kompra na Antia i Aruba, loke ta proba atrobe ku Maduro & Curiel's Bank N.V. no tin igual ora ta trata di benefisio pa su klientenan.

 


 

Kiko ta Bankomatiko smart card?
E Bankomatiko smart card ta un vershon mas avansá di e tarheta di Bankomatiko aktual blou. E tarheta tin un diseño nobo i tambe tin un chip riba e tarheta ku ta duna un nivel mas haltu di seguridat.

 

Ki otro benefisio mi ta haña ku mi tarheta di Bankomatiko smart card?
Awor pa kada kompra ku Bo hasi ku Bo Bankomatiko smart card na Antia i Aruba,, Bo por haña FunMiles. Asina Bo a registrá Bo kuenta di Fun Miles, Bo ta kuminsá haña 1 Fun Mile pa kada NAƒ 5,- ku kada kompra ku Bo Bankomatiko smart card. Bo kuenta di Fun Miles ta wòrdu akreditá outomátikamente ku e kantidat di Fun Miles ku Bo a haña. No ta importá unda Bo usa Bo tarheta, tanten ta trata di kompra i no di retiro di plaka for di un ATM.

 

Kon mi ta hasi un transakshon usando e chip riba e tarheta?

  • E kahero (a) òf abo ta hinka Bo Bankomatiko smart card den e lesadó di chip
  • E kahero (a) ta hinka e montante
  • Bo ta konfirmá e montante
  • Bo ta selektá kuenta koriente òf kuenta di spar
  • Bo ta hinka Bo PIN, i
  • Laga Bo tarheta den e terminal te ora e bisa Bo pa saka Bo tarheta

 

 

 


 

E pasonan menshoná ariba ta konta pa machin di pago ku ta aktivá pa aseptá chip rònt mundu. Un machin di pago ku ta aktivá pa aseptá chip semper lo pidi Bo pa hinka e tarheta despues ku Bo a swaip. Sinembargo, pa garantisá aseptashon rònt mundu tòg Bo por swaip Bo tarheta na terminalnan ku no ta aktivá ainda pa aseptá chip, usando e strepi magnétiko patras di Bo tarheta.

Chèk e lista di preguntanan mas puntra over di e Bankomatiko smart card pa mas informashon.
 

 

 

 

Terms & Conditions Bankomatiko Card

View the Terms & Conditions of the Bankomatiko Card here.