Maduro & Curiel’s Bank ta den e fase final i pa nos ta kompletamente kla dia 1 di aprel 2025 pa introdukshon di nos Florin Karibense (XCG), por fabor tuma nota di algun adaptashon den orario i servisio.

• Djaluna 31 di mart, nos Brènchnan ta sera mas trempan pa 12or di mèrdia.
• Den mardugá di 31 di mart pa 1 di aprel, entre 3or di mardugá i 6:30 di mainta, nos Point of Sale Terminals (terminalnan di pago) , Bankomatikonan i tarhetanan di débito i di krédito lo ta temporalmente for di servisio.
• Nos servisio di Personal i Business Online/Mobile Banking ta temporalmente for di servisio di djaluna 31 di mart 8or djanochi i ta bèk den servisio 11or di mainta dia 1 di aprel ‘25.
• MCB Corporate Online Banking ta temporalmente for di servisio di 4:30PM dia 31 di mart pa 9or di mainta dia 1 di aprel ’25.
• Djamars 1 di aprel nos brènchnan ta habri 9or di mainta en bes di 8or di mainta.

Nos ta enkurashá nos klientenan pa sigui nos paginanan sosial i nos wèpsait pa informashon mas detaye durante e dianan aki.

Bankomatiko i disponibilidat di Florin Karibense:

• Komo nos tin un kantidat grandi di Bankomatiko (64), nos lo yena esakinan gradualmente durante luna di aprel ku Florin Karibense.
• E Bankomatikonan ku ainda no tin Florin Karibense, lo sigui distribuí Florin Antiano. Pa fin di aprel tur nos Bankomatikonan ta distribuí Florin Karibense. Kòrda ku por sigui hasi uso di Florin Antiano te dia 30 di yüni di e aña aki pa pago.

Nos lo indiká tur siman via nos páginanan sosial i nos wèpsait (mcb-bank.com) kua Bankomatiko ya ta distribuí Florin Karibense.

Kambio/Depositá ANG pa XCG:

Klientenan di MCB por depositá Florin Antiyano riba nan kuenta na nos Banko pa un aña largu - te dia 31 di mart 2026.

• Por depositá Florin Antiyano komo tambe Florin Karibense fasilmente na nos Bankomatikonan ku ta situá na un brènch. Tene kuenta ku e montante máksimo ku por depositá na un Bankomatiko ta NAf. 5.000,-. No tin gastu pa depositá na nos Bankomatikonan.
• Si pa un òf otro motibu no por depositá na un Bankomatiko, por depositá riba kuenta na un di nos brènchnan. E tarifanan vigente pa depositá den brènch ta aplikabel.

• Klientenan di negoshi por sigui hasi uso di nos servisio di 24/7 Deposit pa depositá tantu Florin Antiano komo Florin Karibense.

Nos ta apresiá koperashon i komprenshon di nos klientenan mientras nos ta tuma e paso históriko aki pa introdukshon di nos Florin Karibense. Pa mas informashon i detaye, por fabor bishitá nos wèpsait òf sigui nos páginanan sosial.