Check your GiftCard balance here:

Kon MCB ta protehá abo

Na MCB bo ta den un ambiente sumamente bon sigurá ku ta kumpli ku normanan masha estrikto.

Nos ta tuma tur medida nesesario pa protehá bo transakshonnan finansiero i garatisá konfidensialidat di bo informashon.

 

Kon nos ta protehá abo  |  Kon abo por protehá bo mes

Seguridat Online

Hasi bo transakshonnan bankario online (elektróniko) ku konfiansa. MCB ta usa teknologia avansá pa yuda protegá bo kontra froude.

 

Protekshon di bo informashon

MCB ta usa e siguiente téknikanan pa salvaguardá bo datonan ora bo usa servisionan bankario online:

  • Kriptografia (encryption) di 128 bit – Ora bo aksesá bo kuentanan i hasi transakshon online, nos ta protehá bo datonan usando kriptografia di 128 bit (ku un persona no outorisá no por lesa).
  • Outentikashon adishonal – Ora bo login na MCB Online Banking, sea via un ‘desktop’ òf un aparato móbil, semper nos ta pidibo prueba èkstra, por ehèmpel ku un e-Pass, Digital Certificate, òf un Soft òf Hard Token, pa verifiká ku bo ta outorisá.
  • Último fecha/ora di login – Kada bes ku bo login na MCB Online Banking, nos ta mustrabo e fecha i ora di bo último login. Asina bo por chèk si tabatin akseso no outorisá na bo kuenta.
  • Sertifikado SSL ku Validashon Ekstendé (VE) – E browsernan di mas nobo ta ofresé un funshon èkstra di seguridat: e bara di adrès ta bira bèrdè ora bo ta riba un di e páginanan di MCB Online Banking, pa mustrabo ku e komunikashon entre bo browser i e wèpsait ta kriptografiá i ku e instansha ku ta emití sertifikado a konfirmá ku e doño òf operadó di e wepsait ta un empresa legal den e hurisdikshon menshoná den e sertifikado i den e ‘Security Status’.
  • Firewall di seguridat – Tin un kantidat di firewall ku ta protehá e servernan di kòmpiuter ku tur wepsait di MCB ta riba dje, blòkiando akseso no outorisá na nos ret, i MCB ta vigilá nan bon pa no tin violashon di seguridat.
  • Timeout di seshon – Si bo login na Online Banking i keda un ratu sin hasi nada, bo seshon lo terminá outomátikamente (timeout). Pa bo sigui traha ku Online Banking, bo tin ku login di nobo.

Seguridat móbil

Ora bo usa MCB Mobile, e siguiente medidanan di seguridat ta protehá bo datonan.

 

Protekshon di bo informashon

  • Ora bo usa MCB Mobile, bo kuentanan ta protehá mediante kriptografia di 128 bit, meskos ku na Online Banking.
  • Pa bo login na MCB Mobile, bo ta usa e mesun Usuario i Kódigo di Akseso (password) ku na MCB Online Banking.
  • Ora bo login na MCB Mobile, semper nos ta pidibo duna nos outentikashon adishonal, por ehèmpel ku un e-Pass.
  • MCB Mobile no ta warda informashon di kuenta personal riba smartphone i tablet. Pues, si un hende hòrta bo telefòn, bo kuenta di banko no ta den peliger.
     

Baha e Mobile App na un manera sigur

MCB su Mobile Apps ta disponibel solamente via Apple App Store i Google Play. Ora bo baha e Mobile App di MCB riba bo telefòn òf tablet, wak bon pa bo hasié solamente for di un di e sitionan di konfiansa akí i no for di niun otro fuente. Ademas, promé ku bo baha un app, paga tinu ken a trah’é. MCB lo no pidibo baha niun app ku no ta nos mes a desaroyá. No ‘root’ ni ‘jailbreak’ bo telefòn òf tablet (esta, no kita e restrikshon ku ta blòkia instalashon di sierto software) pa asina evitá e limitashonnan ku bo kompania di telekomunikashon òf e fabrikante di bo aparato a fiha. Si bo hasi esei, e medidanan di protekshon instalá riba bo aparato pa defend’é kontra e peligernan ku ta eksistí lo no funshoná mas.