Small Business / BONegoshi

Bo guia pa éksito den planifikashon di bo negoshi!

Na Maduro & Curiel's Bank N.V. nos ta realisá ku e empresario di awendia no tin muchu tempu pa atendé ku un kantidat diversifiká di asuntunan relashoná ku su negoshi. E problemanan mas grandi ku negoshinan ta haña nan mes frekuentemente konfrontá kuné awendia hopi biaha por keda evitá dor di mihó planifikashon for di na momentu ku ta bai kuminsá ku e negoshi.

Planifikashon ophetivo di negoshi ta duna bo e oportunidat pa balotá e viabilidat di bo empresa i ta ilustrá su puntonan fuerte i esnan debil. E Plan di Negoshi ta un instrumento klave pa yuda bo den e proseso aki. E Plan di Negoshi no ta solamente esensial pa suministrá informashon na un instituto finansiero kaminda bo kier apliká pa finansiamentu, pero e ta primariamente un hèrmènt di maneho. E Plan di Negoshi ta uni tur parti integral di bo kompania, por ehèmpel produkto, servisio, merkadeo, atministrashon i finansa i dor di esaki e por yuda bo alkansá bo metanan i yuda bo kontrolá bo resultadonan di un manera mas konsiente.

Pa asistí bo den e proseso importante aki MCB a desaroyá un foyeto ku di un manera masha fásil por yuda bo prepará bo Plan di Negoshi. E foyeto yamá BoNegoshi ta guiabo di un manera práktiko na kompletá e siguiente partinan di e Plan di Negoshi:

  • Dato di Empresa
  • Dato Finansiero (inkluso preparashon di Balansa/ Relato di Entrada i Proyekshon di Cash Flow)
  • Dato Sekundario


E foyeto aki ta disponibel pa un i tur den nos “Skina di Empresario” na nos departamentu di Empresa Chikí situá na Plasa Jojo Correa 2-4 òf por wòrdu di download riba nos website.


BONegoshi booklet

Empresa Chiki